Hacker ຄື ຜູ້ທີ່ມີຄວາມຮູ້ຄວາມເຂົ້າໃຈໃນລະບົບຄອມພິວເຕີຢ່າງສູງຫລາຍ ບໍ່ວ່າຈະເປັນເລື່ອງເຄືອຂ່າຍ, ລະບົບປະຕິບັດການ ຈົນສາມາດເຂົ້າໃຈວ່າລະບົບມີຊ່ອງໂຫວ່ບ່ອນໃດ ຫລື ສາມາດໄປຄົ້ນຫາຊ່ອງໂຫວ່ໄດ້ຈາກບ່ອນໃດນຳ ເມື່ອກ່ອນພາບຫລັກຂອງ Hacker ຈະເປັນພວກຊົ່ວ ມັກລັກຂໍ້ມູນ ຫລື ທຳລາຍໃຫ້ເສຍຫາຍ ແຕ່ດ໋ຽວນີ້ ຄຳວ່າ Hacker ໝາຍເຖິງ Security Professional ທີ່ຄອຍຖ້າໃຊ້ຄວາມສາມາດຊ່ວຍກວດກາລະບົບ ແລະ ແຈ້ງເຈົ້າຂອງລະບົບວ່າມີຊ່ອງໂຫວ່ບ່ອນໃດນຳ ອາດເວົ້າງ່າຍໆ ວ່າເປັນ Hacker ທີ່ມີຈະລິຍະທຳນັ້ນເອງ ໃນຕ່າງປະເທດມີວິຊາທີ່ສອນເຖິງການເປັນ Ethical Hacker ຫລື ແຮກເກີລ໌ແບບມີຈະລິຍະທຳ ຊຶ່ງແຮກເກີລ໌ແບບນີ້ຮຽກອີກຢ່າງວ່າ White Hat Hacker ກໍໄດ້ ສ່ວນພວກທີ່ນິໄສບໍ່ດີເຮົາຈະຮຽກພວກນີ້ວ່າ Cracker ຫລື Black Hat Hacker ຊຶ່ງກໍຄື ມີຄວາມສາມາດເໝືອນ Hacker ທຸກປະການ ພຽງແຕ່ພຶດຕິກຳຂອງ Cracker ນັ້ນຈະເປັນການກະທຳທີ່ຂາດຈະລິຍະທຳ ເຊັ່ນ ລັກຂໍ້ມູນ ຫລື ເຂົ້າໄປທຳລາຍລະບົບຄອມພິວເຕີໃຫ້ເຮັດວຽກບໍ່ໄດ້ ເປັນຕົ້ນ
ຂໍ້ມູນຈາກ: mindphp.com
